விஜய் கதாபாத்திரத்தில் சல்மான் கான் ?

லோகேஷ் கனகராஜ் இயக்கத்தில் விஜய் நடித்திருந்த மாஸ்டர் படம் உலகம் முழுவதும் வெளியாகி மாபெரும் வரவேற்பை பெற்றது.

கொரோனா பரவலுக்கு பின் களையிழந்து காணப்பட்ட திரையரங்குகளுக்கு, புத்துயிர் கொடுக்கும் வகையில் பொங்கலுக்கு ரிலீசான படம் தான் மாஸ்டர். லோகேஷ் கனகராஜ் இயக்கத்தில் விஜய், விஜய் சேதுபதி நடித்திருந்த இப்படம் உலகம் முழுவதும் வெளியாகி மாபெரும் வரவேற்பை பெற்றது. வசூலையும் வாரிக் குவித்தது. இப்படம் திரையரங்குகளில் வெளியான 16 நாட்களில் ஓடிடியில் வெளியிடப்பட்ட போதிலும் நிறைய இடங்களில் ஹவுஸ்புல் காட்சிகளாக ஓடின. 

மாஸ்டர் படம் இந்தியில் டப்பிங் செய்து வெளியிடப்பட்டாலும், அதனை தற்போது இந்தியில் ரீமேக் செய்ய உள்ளனர். இதன் இந்தி ரீமேக் உரிமையை பிரபல தயாரிப்பு நிறுவனம் கைப்பற்றி உள்ளதாக கூறப்படுகிறது.

இந்நிலையில், மாஸ்டர் இந்தி ரீமேக்கில் விஜய்யின் ஜேடி கதாபாத்திரத்தில் நடிக்க நடிகர் சல்மான் கானை அணுகியதாக கூறப்படுகிறது. சல்மான் கான், படத்தின் கதையை விரும்பியதோடு, அதில் நடிக்கவும் மிகுந்த ஆர்வம் காட்டியுள்ளதாக பாலிவுட் வட்டாரங்கள் தெரிவிக்கின்றன.