தமிழில் பாபநாசம் 2 உருவாகுமா ?

திரிஷ்யம் 2 வெளியாகி உள்ள நிலையில், தமிழில் பாபநாசம் 2 உருவாகுமா என்பது குறித்து அப்படத்தின் இயக்குனர் ஜீத்து ஜோசப் விளக்கம் அளித்துள்ளார்.

ஜீத்து ஜோசப் இயக்கத்தில் மோகன்லால்-மீனா ஜோடியாக நடித்து திரைக்கு வந்த ‘திரிஷ்யம்’ படம் வசூல் சாதனை நிகழ்த்தியது. இந்த படம் தமிழில் கமல்ஹாசன்-கவுதமி நடிக்க பாபநாசம் என்ற பெயரில் ரீமேக் ஆனது. இரண்டு பெண் குழந்தைகளின் தந்தையாக கமல்ஹாசன் நடித்து இருந்தார். பாபநாசம் படத்துக்கும் ரசிகர்கள் மத்தியில் பெரிய வரவேற்பு கிடைத்தது. 

தற்போது மோகன்லால் நடிப்பில் திரிஷ்யம் 2 படம் வெளியாகி உள்ளது. ஆதலால் தமிழிலும் பாபநாசம் 2 வெளியாகுமா என்ற எதிர்பார்ப்பு ரசிகர்களிடையே நிலவி வந்தது. மேலும் அதில் கமல் நடிப்பாரா என்ற கேள்வியும் எழுந்தது.

இந்நிலையில் இது குறித்து பேட்டி ஒன்றில் பதில் அளித்துள்ளார் இயக்குனர் ஜீத்து ஜோசப். அதில் அவர் கூறியதாவது: “கமல் அனுமதி கிடைத்தால் பாபநாசம் 2 படத்தை இயக்க தான் தயாராக இருக்கிறேன். கமலின் முடிவை பொறுத்தே ‘பாபநாசம் 2’ படம் உருவாகுமா? இல்லையா? என்பதை சொல்ல முடியும்” என அவர் கூறியுள்ளார்.